Înîsîyatîfa Muzeyê Vîrî ya Zindanê 5 Nolî, 41. serrgêra Zindanê 5 Nolî de waşt ke; bi girewtişê vîr û fikirê kesanê ke a game de uca tepişte bîyê, zindan bibo muzeyê vîrî.

Endamê Şuxulnayîşê Muzeyê Vîrî Refîk Karakoçî ke waşt Zindanê Amedî bibo Muzeyê Vîrî, îfade kerd ke seba dizaynê muzeyî ganî rayedarî kesanê o wext uca de cuyayê reyde pîya bixebitîyê.


Grûba Hewldanê Muzeyê Vîrî ya Zindanê Hûmara 5. yê Amedî (Zindanê Amedî) verê berê Zindanê Amedî de beyanat da çapemenî. 

Parlamenterê CHP Sezgîn Tanrıkûlû û kesê ke a dewre de zindani de mendê zî tede bî.

Endamê Hewldanê Muzeyê Vîrî Refîk Karakoçî beyanat bi Kurdkî, endamê Hewldanê Halûk Yıldızhanî zî beyanat bi Tirkî wend.

Enwer Yılmaz