Amedspor şewa bîne Kocaelispor dir ame têver û 3-0 serkewt û emser hewa verêne 3 puan girewt.
Amedspor û Kocaelispor şewa bîne şaristanê Riha de maç kay kerd. Amedsporo ke Lîga Yewine ya Tirkiya de kay keno destpêkê maçî ra hetanî peynî weş kay kerd.
Kaykerdoxê Kocaelisporî Gokhan Degîrmencî û Muharrem Cînan nîmeyê yewinî yê maçî de bi kartê sûr kayî ra ameyî eştiş. Oktay Aydin deqaya 32ine de gola yewine ya Amedsporî û Adama Traore zî deqaya 62 û 86ine de gola diyîne û hîrêyîne ê Amedî eştî.
Serkewtişo verên o
Amedspor emser bi nê maçî hewa verêne Lîga Yewine de bi serkewt û 3 puanê verênî girewtî.
Amedspor do 14ê Êlûle de deplasman de Bandirmaspor reyde kay biko.
