Wendekara unîversîte rojîn kabaîş û wendekara lîseyî sumeyye azîz çend rojîyo ke şaristanê Wanî de vînî bîyê û înan ra hîç yew malumat nêgêrîyeno.
Wendekara unîversîte rojîn kabaîş (21) û wendekara lîse sumeyye azîz (15) rojano ke wan de vînî bîyê.
Rojîn kabaîş a ke beşê averşîyayîşê gedeyan yê unîversîteya Yuzuncu YıIlî de wenena, 27ê Êlûle de vînî bîya û a roje ra nat aye ra malumat nêgêrîyeno.
Goreyê xebera ajansa mezopotamya, kesê ke Yurdê Wendekaran ê keynayan yê Seyyîd Fehîm Arvasî de mesul ê, di rojî badê vînîbîyayîşê Rojîn Kabaîş xebere dayê keyeyê aye.
Cuzdan, telefon û awa kabaîşe zî qeraxê gola Wanî de ameyê dîyayîş. Naye ser o semedê kabaîşe mîyanê golî de cîgêrayîş beno.
11 rojî yo ke azîze ra malumat nêgêrîyeno.
Wendekara lîse Sumeyye Azîz zî taxa bahçivanî ya qezaya Rêya Ermuşî de ciwîyayêne û 11 rojî yo ke hîç yew malumat aye ra nêgêrîyeno. Azîz, tewr peynî 19ê Êlûle de seba şîyayîşê mektebî keye ra vejîyaya û a roje ra nat aye ra xeberê nêameya girewtiş.
