Şaristananê Wan, Mûş, Colemêrg, Bedlîs û Erdexanî yê Vakurê Kurdîstanî de vewre varena.
Wanî de vewre şodirî ra dest pêkerd û tesîrêko negatîf cuye ser o kerd.
Qezaya Elbakî ya Wanî de mal zozan ra ame goman, rayîrşîyayîşê merdiman çetin bi.
Mûş
Mûş de seba vewra zêde rayîrê 23 cayan ameyê girewtiş.
Mintiqa berzî yê qezayanê Dêrxas û Gimgimî de vewrêka zêde varaye û şîyayîş-ameyîş çetin bi.
Ekîpê trafîkî şoferan ra waşt ke otomobîlanê înan de xelat û zincîrî bibê.
Colemêrg
Varayîşê vewre şewa vîyarte dest pêkerd û vewre merkezê bajarî sipî kerd.
Şarî verê dikanê xo maliştî û otomobîlan vistişê serjoran de zehmetî ant.
Qezaya Geverî de zî şarî vewra ke rayîran û otomobîlan ser o bî maliştî.
Bedlîs
Qezaya Xelatî bi vewre sipîçil bi.
Domanî bi gilokanê vewre kay kerdî.
Vewra ke serê şodirî dest pêkerd heta nika zî varena.
Erdexan
Şaristanê Erdexanî de vewre û reyde zî mij esto.
Merkezê bajarî sipî bi û seba mijî mesafeya dîyayîşî kewte.
