Waqfa Cigêrayîşî û Kulturî ya Kurd-Kavî beyanatêk vila kerd û seba ke gedeyî dersanê ziwanê kurdî weçînê, wendoxan ra waşt ke, wayîrê nê heqî vejîyê.
Beyanatî de ameyo vatene ke hetanî 13ê Sibate 2024î domanê ke wendegehan de mîyanê "Dersê Weçînîtî" ra dersê Ziwanê Kurdî (Zazakî-Kirmanckî/Kurmanckî) weçînenê, semedê qeydkerdişî eşkenê muracaet bikerê.
Waqfî beyanatê xo de îzah kerd ke kurdkî ziwanêko qedîm o û mîyanê des ziwananê tewr dewlemendan de ca gêno. Labelê no ziwan Tirkîya de hetê resmî ra zî qedexe yo û sey ziwanê perwerdeyî nêno qebulkerdene.
Waqfî va ke, perwerdeyê bi ziwanê dayîke heqêko esasî yo û nê heqî ra çi het ra nêeşkenê dest biancê. Beyanat de ame zanayene ke dewlete tena heqê weçînayîşê "Dersê Weçînîtî" daya domanan û no zî bes nîyo.
Beyanatî de wîna ame vatiş:
"Şarê Ma rê Vengdayîş o
Ziwanê ma yê şêrîn estbîyayîşê ma wo. Kurdkî ziwanêko qedîm ra yeno û bingehê ziwananê aryanî yo. Ziwanêko şêrîn û dewlemend o. Goreyê raporanê mîyanneteweyî, kurdkî mîyanê des ziwananê tewr dewlemendan de ca gêno. La ewro, serrê 2024î de Tirkîya de heta resmî ra hîna zî qedexe yo û hîna zî ziwanê perwerdeyî nîyo. Kurdkî ma mîyanê cengê asîmîlasyonî de yo û brîndar o. Eke nê prosesê asîmîlasyonî wina dewam biko ziwanê ma do bihelîyo. Coka gere ma wayîrê ziwanê ma vejîyê.
No wezîfeyo ke yo tenya yo ma nîyo
Perwerdeyê bi ziwanê maye heqêko esasî heqê merdiman o. Perwerdîya bi ziwanê maye heqê domananê ma wo. No domanê Kurdî zî heqê xo yê sirûştî talep kenê. Labelê dewlete û Tirkî nê heqê ma yê neteweyî destê ma ra girewtê. Înan heqê weçînayîşê "Dersê Weçînayî" daya domanê ma. A tewr xirab zî na ya ke ma nê heqê xo wayîrê nêvejîyayî.
Hetanî roja 13.02.2024î domanê eşkenê mektebê de mîyanê "Dersê Weçînîtî" ra dersê Ziwanê Kurdî (Zazakî-Kirmanckî / Kurmanckî) biweçînê. La ma zanê ke her çiqas nê heqî dayê ma zî nêwazenê domanê ma ziwanê "Dersê Weçînîtî" ra dersa ziwanê Kurdî weçînê. Na mesela de zî domanê ma rê astengî vejînê. La ganî ma weçînê xo, nê heqê xo yê neteweyî rê wayîrê vejîyê. Semedê nê rayî do şîyêre mekteban û semedê dersa weçînite muracaet bike.
"Wa domanê ma mîyanê 'Dersê Weçînîtî' ra dersa ziwanê Kurdî weçînê. Ma bike ke, astengê îlîm yê vere weçînîyêne dersa ziwanê Kurdî wedarîyo. Ma ziwanê Kurdî weçînê."
