Fîyatê sotemenîya awine (benzîn) her roj ge şino cor ge yeno war. Hukmatî waştêne verê Roşanê Qurbanî zem bîyaro benzîn ser labelê zem nêkerd. Labelê badê Roşanî do zemêko pîl bêro benzîn ser.
Betlaneyê Roşanê Qûrbanî qedîyeno. Betlane new rojî bi û roja dişeme betlane qedîyeno. Kesê ke semedê destpêkerdişê mesaîyî nika rayîran de yê înan rê xeberêka nêweşe esta. Rîyê Petrolê Brentî bedilyayîşê Dolarî ra do zem bêro sotemenîya awine ser.
Nika wextê zemî pawîyeno
Nika her kes meraq keno ke do çi wext zem bêro benzînî ser. Goreyo ke pawîyeno benzînî rê 1 lîre û 64 quriş, motorînî rê 1 lîre û 63 quriş zem bêro..
Goreyo ke vajîyeno 25 Hazirane roja sêşemeyî zem bêro benzînî ser. Goreyê tay agahîyan zî benzînî rê 2 lîre motorînî rê zî lîre û 68 zem bêro.
Nika Dîyarbekir de lîtreyê benzînî 42.27 TL/LT yo.
