31ê Adara 2024î ra weçînayîşanê mehelî ra nata new şaredarîyan ser o qeyyûm ame ronayene.
31ê Adare de weçînayîşan de Partîya DEMî 78 şaredarîyî qezenc kerdî.
Weçînayîşî ra dima verên şaredarîya ke qeyyûm ser o ame ronayene, aşma Hezîrane de Colemêrg bî.
30ê Teşrîne de Îstanbul de Şaredarîya Esenyurtî ya ke CHPyî dest de bî de serekê şaredarîye Ahmet Ozer ame tepiştiş û cayê ey de qeyyûm ame ronayene.
4ê Teşrîna Peyêne de Mêrdîn, Batman û Xelfetî de hîrêyine rey qeyûm ame ronayene.
22yê Teşrîna Peyêne de Dêrsim de serekê şaredarîya Partîya DEMî û Pulur de serekê şaredarîya CHPyî karê xo ra ameyî dûrvistiş.
29ê Teşrîna Peyêne de serekê Şaredarîya Bahçesarayî ya Wanî Ayvaz Hazir karê xo ra ame dûrvistiş û cayê ey de qeyyûm ame ronayene.
Mersîn de qeza Akdenîzî de tepiştişê hemşaredaran ra dima tîya zî qeyyûm ame tayînkerdene.
Serra 2019 de weçînayîşan de HDPyî, hirê bajarê girdî, panc bajarî, 45 qezayî û 12 şaredarîya, pêroyî de 65 şaredarîyî qezenc kerdîbî.
YSKyî, heşt serekanê şaredarîyan ê ke weçînayîş qezenc kerdbî, seba ke bi KHKyî kar ra amebî eştiş, mazbatayê înan nêdabî. Mazbata, namzedan ra tewr zêde rey girewtoxê bînî rê ame dayene. Serra ke ame de, 52 şaredarîyanê HDPyî ser o qeyyûm amebi ronayene.
