Hêzê Sûrîya Demokratîk (HSD) bîşewe eşkere kerd ke, "Yew êrîşê asmenî yê Tirkîya de Kobanî de, 9 kesî ameyî kiştene."
Hêzê Sûrîya Demokratîk (HSD) pare kerd ke: "Yew teyaraya Tirkîya şewa bîne (Yewşeme, 16.03.2025) Kobanî de yew keyedayo bombeyan ver."
HSDyî va: "Êrîşê Tirkîya, herêma mabênê her di dewan Qumcî û Berx Botan de new kesî yew keyeyî ra ameyî kiştene û di kesê bînî zî birîndar bîyî."
No demêk o ke dewleta Tirkîya Yewîneya Pawitişê Şarî (YPG), bi têkilîyanê aye yê Partîya Karkeranê Kurdistanî (PKK) reyde hedef gêna û aye sey "rêxistinêka terorîste" hesibnenê.
Rayberê Partîya Karkeranê Kurdistanî (PKK) yo hepsî Abdullah Ocalan aşma Sibate de yew vengdayîş kerd û partîya xo ra waşt ke, çekan ronê û xo fesix bikerê.
Tirkîya Serekê Sûrîye yo demkî Ehmed Şera reyde qisey kerna, tira wazena ke YPG rê yew çareserîye bivîno.
