Ali Doğan Gönültaşî ra yewna albûmo newe 'Keyeyî'
Albûmê Hunermendê Çolîgijî Ali Doğan Gönültaşî yo newe 'Keyeyi' platformanê dijitalan ser ra ame vilakerdiş.
Şewa bîne albûmê Hunermendê Çolîgijî Ali Doğan Gönültaşî yo newe 'Keyeyi' platformanê dijitalan ser ra ame vilakerdiş. Albûm de deyîrê Zazakî û Kurmanci û Tirkî estê û albûm di beşan ra yeno pê.
Beşê yewinî yê albûmî bi nameyê 'Şemug' name bîyo. No beş de deyîrê Zazakî û Kurmanckî estê. Gönültaş semedê nameyê albûmê xo 'Keyeyî' vano ; "Ziwanê mi keyeyê min o. Coka ma nameyê albûmî napa 'Keyeyî'
No albûm de tena vîdeo û qeydê vengê hunermendî esto. Deyîrbaz vîdeo de pê tembûra xo deyîran vano û sewbîna enstruman çîn o.
Beşê diyînî yê albûmî de bi nameyê 'Annelerin Sofraları' beşêk esto û no beş zî tirkî yo.
Ali Doğan Gönültaş Kam o?
Ali Doğan Gönültaş serra 1985î de Çewlîg de ameyo dinya. Ali Doğan Gönültaşî bi hawayo profesyonel koma Ze Tîje ke o bi xo zî ronayoxanê aye ra yo de dest bi muzîkî kerdo. Serra 2018’î ra nat xebatanê xo bi nameyê “Xo Bi Xo” ser ra keno û konsêran dano. Gönültaşî par albumê xo yê bi nameyê "Gêxî/Kiğı" vila kerdibî û albumê ey raştê eleqeyêko weş amebi.