ZAZAKÎ NEWS - Merkezê Hunerê Gedeyan bi paştgirîya CultureCIVICî yew tîyatroyê gedeyan o bi zazakî bi nameyê 'Vewremêrdim' amade kerd. Tîyatro do roja 29ê Kanûna Verêne, roja Yewşeme, saete 13:00 de ÇandAmed (Merkezê Kongre) de bêro pêşkêşkerdiş.
Egîtîm-Senî yê Amedî semedê gedeyan kayêk bi nameyê "VEWREMERDIM" hadre kerd û kay vizîr vejîya verê temaşekerdoxan.
Nuştox û derhênerê Tîyatroyî Veysel Aslanî va ke, înan nê tîyatroyê muzîkalî seba pawitişê ziwanê zazakî ke goreyê UNESCOyî binê tehlukeyê vindîbîyayîşî de yo, amade kerdo.
Aslanî îzah kerd ke, înan no tîyatro bitaybetî seba gedeyan viraşto û amancê înan no yo ke xizmetê ziwan û kulturê zazakî bikerî. Ey veng da hemê doman-gede û dadî babîyanê Dîyarbekirî ke wa beşdarê na çalakîya manayine bibê.
Tîyatro do semedê perwerdekerdiş û keyfkerdişê domanan bibo tecrubeya weşe û eynî wext de do vera hişmendîya ziwan û kulturî tesîrêko hewle biko.
Kûnyeyê Kayî
Nameyê kayî: VEWREMERDİM
Ziwanê ci: Zazakî
Demê kayî: 35 Daqa
Nuştox & Derhêner: Veysel Aslan
Kaybazî: Leyla Deveci, Veysel Aslan
Müzik: Serhat Varlı
Şewirmendê Pedagojî: GÖKHAN GÜLSEN
Çimeyê xebere: Güneydoğu Ekspres
