Enwer Yılmaz
Dîyarbekir de erdlerzê 6ê Sibata 2023î de 20 bînayî rijîyaybî û 406 tenî merdbî. Hezaran kesî zî birîndar bibî.
Pêroyî bajarî de hema 4 hezar û 40 bînayê xesarinî yê giranî estê û hetanî nika nînan ra 2 hezar û 738 bînayî ameyê rijnayîş.
Hetêk ra rijnayîşê bînayan dewam keno la hetêk ra zî bînayê ke yenê rijnayîş bêkontrol yenê rijnayîş û zêde tedbîrî nênê girewtiş.
Semtê Huzurevlerî yê Dîyarbekirî de seyan bînayî estê ke ameyê vengkerdiş. La dorûverê bînayan de şerîdê asayîşî çin o û binê bînayanê vengkerdeyan de dikanê ekerdeyî estê, şar şino bînê ê bînayan de çî-mî gêno.
Şaro ke mîyanê tehlukeyî de şino dikanan vano "Ma mecbur tîya ra lazimtîya xo anê ca. Xora bîna veng a. Ma tersenê ke rojêk do bêra ma ser ro."
Dikandarê ke binê bînaya xisarine de çî-mîyanê werdişî roşenê zî xem nêkenê, ne ganê înan ne zî ganê şarî xemê înan de yo.
Zazakî News
