Wexto ke Anqara de qalê destpêkerdişê prosesê newe yê çareserîye zêde bî, teqayîş û êrîşêk ame kerdiş.
Goreyê malumatanê Wezaretê Karanê Zereyî, di êrîşkaran merkezê Şîrketê Teknolojîya Feza û Hewayî yê Tirkan (TUSAŞ) ke qezaya Qehremankazanê Anqara de yo, kerdo hedef.
Netîceyê hêrişî de 5 kesî ameyê kitiş, 22 kesî birîndar bî û di êrîşkarî zî amey kiştiş.
Nameyê 5 kesanê ke êrîşê çekdarî yê Anqara de amey kiştiş aşkere bî.
Ame zanayîş ke karkerê kontrolê kalîteyê TUSAŞî Cengîz Coşkun, Muhendîsa Makîneyan Zahîde Guçlu, karkerê TUSAŞî Hasan Huseyîn Canbaz, karkerê emnîyetî Atakan Şahîn Erdogan û şoforê taksî Murat Arslan hetê êrîşkaran ra amey kiştiş.
22 kesê ke êrîş de birîndar bîbî, nêweşxaneyanê cîya-cîyayan de tedawî benê.
Kamî êrîş kerd?
Goreyê beyanatanê verênan, Hikmatê Tirkîya PKK sey mesulê sereke vînena.
Tay medyayê ke nêzdîyê hikmatî yê vanê ke êrîşkaran ra yew şarê qezaya Elkê ya Şirnexî yo.
Êrîşo ke vera TUSAŞî bî, sîyaset de zî zaf reaksîyonî ard xo dima.
Zafêrîya partîyanê sîyasîyan êrîş red kerd. DEM Partî zî na êrîşe ke nê wextan de bîye, sey provokasyonî name kerde.
