Tirkîya û Vakurê Kurdistanî de aşma tebaxe de 33 cinî ameyê kiştene.
Platforma "Ma do Kiştişê Cinîyan Vindarnime" raporê kiştişê cinîyan yê Tebaxa 2024î eşkera kerd.
Goreyê nê raporî, aşma Tebaxe de 33 cinî ameyê kiştene, 24ê înan kiştişê şikdarî yê. Goreyê raporî, 9 cinî seba ke waştê cêra bibê û waştişê zewacî û eşqî yê camêrdan qebul nêkerdê, ameyê kiştene.
12 cinî keye de, 8 kuçe de, 5 çole de, 3 awe de û kişta awe de, 2 zereyê otomobîlî de û 1 cayê karî de ameya kiştene.
Cayê kiştişê 2 cinîyan heta nika zelal nêbîyo.
12ê cinîyanê ke ameyê kiştene bi tifingî û 12 bi kardî û balte ameyê kiştene, 4 ameyê xeniqnayene, 4 bi pirodayîşî ameyê kiştene û 1 zî ameya veşnayene.
