Goreyê datayê ke Dezgeyê Îstatîstîkî yê Tirkîya (TUIK) eşkera kerdo, aşma Tebaxe de enflasyonê aşmane 2,47% û yê serrane zî 51,97% yo.
Na menge de rêjeyo tewr berz beşê perwerdeyî de bîyo ke resayo 11,34%. Dimayê nê beşî de enflasyon tewr zêde keyeyan de (8,51%) berz bîyo.
Goreyê serra verêne zî reyna beşê perwerdeyî de enflasyon zêde bîyo ke rêjeyê ey 120,81% yo. Yê keyeyan 101,49% û yo werdegehan û otêlan zî 67,70% yo.
Goreyê ENAGî 90,35% yo
Goreyê datayê ke Grûba Cigêrayîşê Enflasyonî (ENAG) eşkera kerdo, rêjeyê enflasyonê menga Tebaxe 3,47% yo. Goreyê ENAGî enflasyonê serrane zî 90,35% yo.
