Goreyê raporê Platformaya "Ma do Kiştena Cinîyan Vindarnê", taşma teşrîna vaerêne de Tirkîya de 48 cinî hetê camêrdan ra amey kiştene. Na hûmara tewr berz a ke 14 serrî yo nêameya dîyayîş.
Platformaya "Ma do Kıştena Cinîyan Vindarnê" raporê xo yê aşma verêne eşkera kerd.
Goreyê raporî, aşma vîyarte Tirkîya û Bakurê Kurdistanî de 48 cinî amey kiştene û 23 cinî zî bi şeklêko şıkdar merde amey dîyayene.
Zafaneyê cinîyan hetê mêrdey xo û waştîyanê xo ra amey kiştene.
19 cinî hetê mêrdê xo ra, 5 cinî hetê camêrdê ke pîya bî ra, 3 cinî hetê pî ra, 6 cinî hetê kesêko ke nas ra, 3 cinî hetê mêrdê xo yê verênî ra, 3 cinî hetê waştîyê xo yê verênî ra, 2 cinî hetê birayê xo ra û 2 cinî zî hetê lajê xo ra amey kiştene.
Ancîya kıştoxê yew cinî nêameyo zanayene.
33 cinî bi çekî, 12 bi hacetê birînî, yew cinî bi kuwayîş, yew cinî xeniqnaya û yew zî bi eştişê ereba ra ameya kiştene.
