Raporê ÎSÎGî de vajîya ke, teşrîna verêne de cînayetanê karî de 15ê ci cinî û domanî 164 karkerî merdê.
Meclîsê Asayîşê Karî û Weşîya Karkeran (ÎSÎG) raporê xo yê menga teşrîna verêne eşkera kerd. Rapor de dîya zanayene ke teşrîna verêne de cînayetanê karî de 11ê ci cinîyî, 4ê ci domanî û 18ê ci multecîyî 164 karkeran dinyaya xo bedilnaya.
Rapor de dîya zanayene ke 49 karkerî karanê awankerdişî de, 30 karkerî karanê zîretî de, 18 karkerî karanê resnayîşî de, 8 karkerî karanê bazirganîye de merdê.
Cînayetê karî tewr zaf Îstanbul, Anqara, Sakarya, Manîsa, Antalya û Mugla de qewimîyayî.
