Şewa bîne Dîyarbekir de belgefîlmê "Mamostayo Bêmamosta Malmîsanij" ame nîşandayîş.
Cuyayîşê nuştox, cigêroyox û ziwanzan M. Malmîsanijî ser o bi nameyê "Mamostayo Bêmamosta (Malmîsanij)" belgefîlmêk hetê Derhêner Kerem Tekogluyî ra ameyo natiş.
Galayê belgefîlmî 9ê Hezîrane de Îstanbul de amebi viraştiş.
Şewa bîne zî Dîyarbekir de belgefîlm ame ramojnayîş.
Belgefîlm 19ê Teşrîna Verêne roja şemeyî saete 17:00 de cayê Salona Konferansî ya Tahir Elçî de ame nîşandayîş.
Salona ke belgefîlm ame temaşekerdiş de hema vaje ca nêmend û eleqeyêko pîl estbi.
Belgefîlm hetê derhêner Kerem Tekoğluyî ra ameyo antiş û wexetêkê serre û nême de ameyo temamkerdiş. Belgefîlm de behsê cuyayîşê Malmîsanijî beno.
Enwer Yılmaz / Zazakî News
