ZAZAKÎ NEWS - Wezîrê Karanê Zereyî yê Tirkiya Alî Yerlîkaya eşkere kerd ke betlaneya Roşanê Qurbanî de, Tirkiya de qezayanê trafîkî de 32 kesî merdê û 4 hezarî ra zêde kesî zî birîndar bîyê.
Wezîrê Karanê Zereyî yê Tirkiya Alî Yerlîkaya, bi eşkerayîyêke bîlançoya qezayanê trafîkî ya çar rojanê betlaneya Roşanê Qurbanî eşkere kerde.
Yerlîkayayî va, “Roja hîrêyîne ya Roşanê Qurbanî (Yewşeme) de 722 qezayê trafîkî qewimîyayê.
Nê qewimîyayîşan de çi heyf ke 6 welatîyanê ma cayanê qewimîyayîşî de cuyê xo vîndî kerd. Hezar û 227 welatîyê ma zî birîndar bîyê."
Yerlîkayayî dewamê eşkerayîya xo de wina va:
"Çar rojanê betlaneya Roşanê Qurbanî de (Arefe, Îne, Şeme û Yewşeme) 2 hezar û 960 qezayê trafîkî qewimîyayê.
Çi heyf ke 32 welatîyanê ma cayanê qewimîyayîşî de cuyê xo vîndî kerd û 4 hezar û 817 welatîyê ma zî birîndar bîyê."
