Bajarê Bolu yê Tirkîya de yew otelî de adir vejîya, tewr tay 10 kesî merdê û 32 kesî birîndar ê.
Adir ewro saete 03:30 de Merkezê Tesîsê Kartalkayayî de yew otelî de vejîya.
Heta nika sebebê adirî nêamo zanayene û adir demêko kilmek de otelî de vila bi.
Wezîrê Karê Zereyî Alî Yerlîkaya hesabê xo yê Xî ser o beyanat da û va goreyê malumatê verênî rîyê şewatê Otelê Kartalkayayî ra, tewr tay 10 kesî merdê û 32 kesî zî birîndar bîyê.
Wezîrê Edaletî Yilmaz Tuncî îlan kerd ke derheqê otelê ke vêşayo de tehqîqat dest pêkerdo û va, "Hetê Serdozgerîya Komarî ya Bolu ra tehqîqatê edlî dest pêkerdo û 6 dozgerî ameyê wezîfedarkerdene."
Merkezê bajarî, qeza û bajaranê dorûverî ra zaf ekîbê adirhewnakerdişî, AFAD, UMKE û ekîbê weşîye û zî yew helîkopter şîyê cayê şewatî.
Mêmanî odayan ra ameyê vetene û xebatê ekîban yê seba hewnakerdişÊ şewatî dewam kenê.
Hûmara merdeyan bîye 10
Wezîrê Karê Zereyî yê Tirkîya Alî Yerlîkaya bi hesabê xo yê Xî ra îlan kerd ke hûmara merdeyan bîya 10 û 32 birîndarî estê.
