Rojnamegerî Reyhan Hacioglû, Ahmet Guneş, Necla Demîr û Rahîme Karvar ameyî tepiştene.
Polîsan Stenbol û Wan de eşt keyeyanê rojnamegeran ser. Operasyonan de 4 rojnamegerî ameyî tepiştene. Rojnameger Reyhan Hacioglû Wanî de, rojnamegerî Ahmet Guneş, Necla Demîr û Rahîme Kar zî Stenbol de ameyî tepiştene. Sebebê tepişyayaîşî nêame zanayene.
Wanî de rojnameger Reyhan Hacioglû ke ameya tepiştene tehdît bîya. Polîsan bi vatişê "Vengê xo bibirnê, ma do şima pêrune kom bikê. Ma do şima pêrune bigêrê û vengê kesî nêşino bêro heşnayene" tehdîtê embazanê rojnamegeran yê Reyhan Hacioglû kerdî.
Reyhan Hacioglû zî vera helwesta polîsan reaksîyon nîşan da û va: "Zerre de yan zî teber de, ma kotî de benê wa bibê ma do tim heqîqetî binusê. Bi tepiştene, tehdît û îşkenceyan şima nêeşkenê ma çîne bikê."
Polîsan dest na hacet û wasitayanê dîjîtalî yê ke keyeye de bî ser.
