Cayo ke Şêx Seîd tede êsîr amebi girewtiş de beyanat ame dayîş.
Hemserekê Komeleyanê Elewîyan ê Demokrasî (DAD) Musa Kuluyî û Serekê Komela Şêx Seîdî û tornê ey Kasım Fıratî pirdê Abdurrahman Paşayî ser de yew qiseykerdiş kerd.
Tornê Şêx Seîdî Kasım Fıratî va ke, “Kalikê mi serê nê pirdî de raştê bêbextî ame. Kalikê mi mîyanê şarê Kurdî de cîyakarî nêkerd. Çimanê ey de pêro bawerî û nasnameyî seypê bî. Kalikê mi û keyeyê ey her çar parçeyanê Kurdistanî de semedê azadîya şarê xo micadele kerd. Ma wazenê wa pêro Kurdî pêrûna parçeyan de bibê yew.”
Hemserekê DADî Musa Kuluyî zî va ke, “ Verî Şêx Seîd badê Seyîd Riza…Ma soz danê ke ma do wayîrê fikranê înan vejîyê. Înan vera zilmî çok ronêna ma zî rayîrê înan de yê.”
Pirdê Abdurrahman Paşayî
Serekê xoverdayîşê serra 1925î Şêx Seîd rayîrê Muş û Erziromî ser de serê pirdê Abdurrahman Paşayî de êsîr amebi girewtiş û badê Dîyarbekir de bi 46 hevalanê xo amebi îdamkerdiş. Hema zî cayê mezelê ey û 46 hevalanê ey bewlî nîyo. Dewlete cayê înan temernena.
