AMİDA HABER - Serekê Partîya Şarî ya Komarî (CHP) Ozgur Ozelî va, "Eger Îmamoglu na hepsî bimano, badê weçînayîşî do sîstemê parlamenterîye bivurîyo, Yavaş do bibo Serekkomar û Îmamoglu zî do bibo Serekwezîr."
Serekê CHPyî Ozgur Ozelî programêkê You Tube de behsê îhtîmalê hepsî bîyayîşê şaredarê verên yê Bajarê Girdî yê Îstanbulî Ekrem Îmamoglu û tercîh û formulê CHPyî kerd.
Ozelî îfade kerd ke eger rewşa hepsîbîyayîşê Îmamoglu dewam bikero ê do namzedê xo yê serekkomarîye bivurnê.
Serekê CHPyî wina va:
"Eger Îmamoglu nê prosesî ra dima zî hepsî bimano, ma do sey CHP cayê xo de nêvinê. Ma do her ca de xebatanê xo rê dewam bikê. Hetkarê serekê grûba ma, parlamenterê ma do bajaranê bînan de xebatan bikerê. Wa Îmamoglu Silîvrî de tepişê û qedexe bikerê, ma do 70% rayan qezenç bikerê û ma do parlamentoyî de vurnayîş bikerê. 15 rojan mîyan de do qanûn bêro vurîyayîş û Îmamoglu do vecîyo û dest bi wezîfeyê xo bikero. Do yew serekkomar bêro weçînayîş, Yavaş do bibo serekkomar, Îmamoglu do bibo Serekwezîr.”
