Semedo ke Beledîyeya Çolîgî ca nêdayo înan, wesayîtê ke şinê qezayan otogarê Çolîgî yo verîn de binê tîje de karê xo kenê.
Rewna yo ke Çolîg de cayo ke mînîbusê ke şinê qezayan yenê, mîyanê zehmetî de karê xo kenê. Verê cû Çolîg de sûke mîyan de yazîxaneyê mînîbusan estbî. Labele qasê 2 serrîyo ke Beledîye ca nêdaya înan. Şar mîyanê sûke ra şino cayo seyar û uca de binê daran de vindero û wîna wenişeno mînîbusan. Zimistan zî binê varan û vewre de...
Beledîye par hetê Xarpêtî de zaf cayo dûr de ca dabi koperatîfî. Labelê şar nêşi uca. Uca zaf cayêko dûr o. Semedo ke şar nêşino cayo ke Beledîye nîşan dayo, koperatîf bêçare mendo ke newe ra mîyanê sûke de xizmet bido. Na hewe zî semedo ke mîyanê sûke de ca çin o mînîbusî kişta peyarayîran de meydanan vengan de vindenê.
Parlemeterê HDP yê Çolîgî Ömer Faruk Hülakü ewro şi cayê otogaro seyyar û wayîrê yazîxaneyan dir qisey kerd. Wayîrê yazîxaneyan ey ra waşt wa înan rê çareyêk bêro vînayîş.
Enwer Yılmaz / Zazakî News /Çolîg