XARPÊT - Qezaya Hoxu ya Xarpêtî ya Vakurê Kurdîstanî de, konteynirê karkeran de şewat vejîya û netîce de 2 karkerî birîndar bîyî û yew karker zî rîyê duyî ra bi jehir kewt.
Qezaya Hoxu de, vizêr seba sebebêko ke nêame zanayîş ra adir kewt konteynirê karkeranê ke bîna viraştêne.
Xeberwesnayîş ra dima ekîpê adirhewnakerdişî, ekîpê weşîye û cendirmeyî şîyî cayê hedîse.
Adir netîceya xebata ekîpanê îtfaîye de ame hewnakerdiş.
Labelê rîyê adirî ra 2 karkerî destê xo ra birîndar bîyî û yew karker zî rîyê duyî ra bi jehir kewt.
Ekîpê weşîye her hirê karkerê birîndarî berdî Nêweşxaneyê Bajarî yê Fethî Sekînî.
