Datê Narîn Gurane ya vîndîbîyaye bi qerarê Dadgeha Amedî tepişîya

Narîn Gurana ke 8 serre bî, roja 21ê Tebaxe Amede de vînî bibî û hîna zî aye ra xeberêke çîn ya

Serdozgerîya Komarî ya Amedî derheqê Narîn Gurane de tehqîqatê xo ramena.

Datê Narîne S.G. çarçewaya dewayî de tepişîyabî. S.G. ke eyni wext de muxtarê dewe yo (Dewa Çûlîye) ewro şawîyabî Dadgeha Amedî.

S.G. bi qerarê Dadgeha Amedî bi îthamê "kiştişê Narîn Guranî" tepişîya û erzîya hepisxane.

Derheqê vîndîbîyayîşê Narîne de hetêk ra tehqîqatî dewam kenê hetêk ra zî semedê dîyayîşê aye xebatê cigêrayîşî dewam kenê.