DEM Partî turê partîyanê sîyasîyan rê dewam kena: Ewro Partîya Gelecek, AK Partî û Partîya Seadetî dir do bêro yewca
DEM Partî do saete 13:30 de heyeta AK Partî dir pêvînayîş biko.
Heyeta DEM Partî ya ke de Sirri Sureyya Onder, Pervîn Buldan û Ahmet Turkî ra yena pê, saete 11:00 de Partîya Gelecek, saete 13:30 de AK Partî, saete 15:30 de zî Partîya Seadetî dir do kom bibo.
Pêvînayîşê AK Partî bi meraqêk yeno pawîtiş
Heyeta DEM Partî do ewro TBMMyî de heyeta AK Partî ya ke mîyan de Efkan Ala, Serekê Grûbî Abdullah Guler û Vervatoxê AK Partî Omer Çelîkî ca gênê ziyaret biko, dima do ÎYÎ Partî ra teber hemê partîyanê sîyasîyan dir Pêvînayîş biko.
Pêvînayîş do saete 13:30 de dest pêbiko
Pêvînayîşo ke bi meraqêk pawîyeno yê mabênê heyeta DEM Partî û AK Partî do saete 13:30 de dest pêbiko. Serekkomarê Tirkîya Erdoganî, vizêr kongre ya AK Partî ya Rîze de vatibi: "Amancê ma Tirkîyaya bêteror a. Gamê ke ma erzenê do netîceya ci seba xeyrê şarî bibo."
Se bibî?
Heyeta DEM Partî, 28ê Kanûna Verêne roja şeme Îmralî de Abdullah Ocalanî dir amebî têhet.
Pêvînayîş yew tesîro pîl viraşt û heyet, 2yê Çeleyî roja pancşeme Serekê Pêroyî yê MHPyî Devlet Bahçelî dir Pêvînayîş kerd.
Heyeta DEM Partî ya ke Meclîs de texmînen 40 deqeyî Bahçelî dir Pêvînayîş kerd, turê partîyanê sîyasîyan rê dewam kena.