Hetêk ra xuş-xuşa awanê çeman, layan û hetêk ra vengê teyrûturan, hetêk ra zî boya vilan û tarûturan....
Bi ameyîşê wisarî zaf cayanê welatî de vilikî abenê û tebîet pê înan xemilîyeno.
Dêrsim zî welatê ma de cayanê ke tebîetê ci rindek o ra yew o.
Xususî qezaya Pulur de hetêk ra vilikê reng bi renginî abîyê, hetêk ra zî hîna koyan de vewre esta.
Boya vewre û vilikan, tarûturan bîya têmîyan û oksîjenêko rind danê nat-wet.
Xeylê cayanê bînan ra semedo ke na manzaraya rindeke bivînê, şar yeno Pulur û bi manzaraya Pulurî keyfweş beno.
Enwer Yılmaz /Zazakî News
