Meclîsê Şaredarîya Amedî ya Şaristanê Girdî qerar da ke 82 otobusê ke emrê xo yê ekonomîkî qedênayo, bêrê rotene û vera înan 150 otobusê neweyî bêrê girewtene.
Meclîsê Şaredarîya Şaristanê Girdî, goreyê qelebalix, gazin û waştişanê şarî yê resê komkî, qerar da ke 82 otobusê resê komkîyî ke binê Serekîya Daîreya Resî de yê, seba mesrefê sotemenî û pawitiş-tamîrî bêrê rotene û vera înan 150 otobusê neweyî bêrê girewtene.
Otobusê ke emrê xo yê ekonomîkî qedênayo, do bêrê rotiş
Raporo ke hetê Komîsyonê Resî ra ame pêşkêşkerdiş, tede de ame vatene ke 82 otobusî seba mesrefê sotemenî û pawitiş-tamîrî emrê xo yê ekonomîkî qedênayo û 14 otobusî zî ameyê dayene xurda.
Meclîsî, maddeyê ke rotişê 82 otobusî û girewtişê 150 otobusanê neweyan ser o yê, bi yewvengî qebul kerdî.
