Dîyarbekir - Narîna 8 serrî 2 rojîyo ke vîndî ya

 Roja Çarşeme ra nat qezaya Erxenî ya Diyarbekirî de Narîn vîndî biya û semedê vînayîşê aye cigêrayîş dewam keno.

Narîn Guran a ke 8 serre ya, roja Çarşeme saete 15:00 de dewa Çûlye ya qezaya Erxenî ya Diyarbekir de vîndî bîye.

Keyeyê gedeya 8 serrî xeber dayîş ra dima, tîmê Îdareyê Felaket û Rewşanê Acîlan (AFAD) û cendirmeyan seba dîyayîşê aye dormeleyê dewe de dest bi xebate kerd.

Xebatê cigêrayîşî ewro zî domîya û heta nika nêameya dîyayene.

Arîf Guranî, pîyê Narîn Guranî, va ke ê her ca de keynaya xo gêrenî û wina va:

"Nika tîman xebatê xo kanalê awdayîşî de zêde kerdî. Tîmî vizêr ra nat bêvindertene xebatê cigêrayîşî domnenê."

Nika Dîyarbekir bîyo seferber ke gedeya 8 serrî Narîn Guran sax silamet bivînê