Vanê ke Fethullah Gulen, o ke cematê Gulenî rê rayberîye kerdêne, merdo.
Keyepelê Herkulî ke nezdîyê ey o, xeberê mergê Fethullah Gulenî da. Keyepelê Herkulî hesabê xo yê X (Twitter) ser ra yew parekerdiş kerd.
Gore mesajî, şewa vîyarte weşîya Fethullah Gulenî xirab bîye û nêweşxane de merdo.
Mesaj de wina vajîya: "Rêzdar Fethullah Gulen ke emrê xo de tim xizmetê Îslamî û însanîyetî kerdo, 20ê Teşrîna Verêne 2024 saete 21:20 de dinayay xo bedilna.
Derheqê merasîmê defnkerdişî de ma do badê cû malumat bidê şarî."
Fethullah Gulen ke sey serekê Cemata Gulenî yeno şinasnayîş, 21ê Adarê 1999 de semedê problemanê weşîya xo şibi Amerîka û heta ewro uca ciwîyêne.