Emîne Şenyaşar a Rihayije verê Meclîsê Tirkîya de nobete edeletî gêna û wazena wa kesê ke keyeyê aye qetil kerdê hesabê qetlîamî bidê.
Qezaya Rihayî Sûrûc de serra 2018 de, merdimê parlamenterê AKP İbrahim Halil Yıldızî hêrîş berd dikanê keyeyê Şenyaşaran ser û Esvet Şenyaşar û di lajê ey Celal û Adil Şenyaşar kiştî. Fadıl Şenyaşar ke no hêrîş de birîndar bibi zî erzîyabi hepisxane.
Maye Emine Şenyaşare ke keyeyê xo kişiyayo û lacê xo tepişiyayo, a roje ra nata gêrena edaletî û nika 12 rojî yo ke verê Meclîsê Tirkiya de nobete gêna.
Laco bîn ê keyeyî, Ferît Şenyaşar ke parlamenterê DEM Partî yo yew resim vila kerd. No resim de maya ey nobete de erd de rakewta û ser de yew pankart esto ke ser o "edalet" nusiyayo.
Emîne Şenyaşar pawena ke Serekkomarê Tirkîya Recep Tayîp Erdogan dir pêvînayîş biko la hema zî Erdoganî aye dir pêvînayîş nêkerdo.
