Goreyê Dezgeyê Îstatîstîkanê Tirkîya (TUÎK), aşma êlûle de goreyê nîsbetê aşma verêne raenflasyon % 2,97 zêde bîyo. Enflasyonê serrane zî % 49,38 ame aşkerekerdiş.
TUÎKî daneyê Îndeksê Vayê Herînayîşî (CPI) yê aşma êlûle eşkera kerd.
Goreyê ney; Aşma êlîle de enflasyon goreyê nîsbetê aşma verêne % 2,97 zêde bî, enflasyonê serrane zî % 49,38 bi. Bi no qayde enflasyonê serrane % 50 ra kewt cêr.
Reqemê ENAG zaf cîya yê
Grûba Cigêrayîşê Enflasyonî (ENAG) zî daneyê enflasyonî yê aşma êlûle pare kerd. Goreyê ENAGî Îndeksê Vayê Mesrefkerdoxan (ÎÇP) aşma êlûle de % 5,34 zêde bî. 12 aşmanê peyênan de enflasyon % 88,63 zêde bî.
ENAGî daneyê enflasyonî yê menga tebaxe zî % 3,47 eşkera kerd. Goreyê ENAGî enflasyonê serrane yê aşma tebaxe % 90,35 o.
