Bi organîzeyê Înstitutê Ziwan û Kulturê Kirmancî, vizerî (27.09.2024) şaîr Îbramê Xaşxaşe kitabê xo yo newe AZAD da naskerdene.
Şandê edebîyat yo ke hetê Înstitutî ra organîze bîbî edi Böckhstraße 24 (AKABi) de, bi moderatorîya Wusênê Gestemerde saete 19:00 de dest pêkerd.
Dest pêkerdena program de Wusênê Gestemerde hem bi nameyê Înstitutê Ziwan û Kulturê Kirmancî hem kî bi nameyê Komîteya Rayê Ra Berdîşî xêr amayene dê meymanan, kilmek qese kerd û vîdeoyo ke kerd bî amade, vîdeoyê Bîyografîyê Îbrahîmê Xaşxaşe hetê meymanan ra amê temaşe kerdene. Dima şaîr Îbrahîmê Xaşxaşe bi çepikanê meymanan guret ser sahne.
Şaîrî bi wendîşê yew şîîra xo dest bi naskerdena kitabê xo AZAD kerd. Wendîşê şîîre ra dime, mesajê serekê Înstitutê Ziwan û Kulturê Kirmancî Seyîtalî Dikmenî kî amê wendene.
Şaîr Îbrahîmê Xaşxaşe derheqê kitabê xo AZAD de derga derg qese kerd û malumatî dayî. Kitabê x
o ra xêyle şîîrî bi can û royê kirmanckî wendî. Wendîşê şîîran ra dima, derheqê kitabê AZAD de meymanan şaîr ra çend persî pers kerdî û şaîrî bi kêyf weşîye cewabê nê persan da.
Da vîste deqa bîne ra dima hunermendo hêca Soner Soyer bi tenbûrê xo, bi veng û rengê xo, çend lawukê xo vatî.
Şandê edebîyat yo ke hetê Înstitutî ra organîze bîbî, bi bêşdar bîyena xêyle nas û dostan, bi veng û rengê edebîyatê kirmanckî û bi kêyf weşîye vêrde ra.
Esma Özgür
