J. Îhsan Espar seba kitabê xo ”Ragêrayîş” wexdox û heskerdoxanê xo dir ame yewca
Şaîr, nuştox û endamê Grûba Xebate ya Vateyî J. Îhsan Espar Dîyarbekir de wendox û heskerdoxanê xo reyde semedê kitabê xo yê neweyî (Ragêrayîş) ame têhet.
Roja 06.07.2024î saete 20.00 de Qonaxê Îskender Paşayî de heskerdoxê edebîyatê Zazakî semedê goşdarîkerdişê J. Îhsan Espar ameyî yewca.
Moderatorîya panelî hetê Gulçîn Adare ra ame kerdiş. Xeylê roşinvirî û kesê ke edebîyatê Zazakî dir eleqedar ê ameyî panel û goşdarîya J. Îhsan Esparî kerdî.
J. Îhsan Esparî derheqê kitabê xo de malumatî dayî, kitabî ra çend qismî wendî û peynî de zî yew şîîra xo wende.
Kitabê hîkaya ”Ragêrayîş” yê J. Îhsan Espar Weşanxaneyê Vateyî newe ameyo ameyo çapkerdiş.
J. Îhsan Espar hem bi Zazakî şîîran nuseno hem zî hîkayeyan nuseno. Zazakî de şîîrê J. Îhsan Espar zaf yenê wendiş û heskerdiş.
Şima eşkenê vîdeo ser ra pêroyê qiseykerdişê ey goşdarî bikerê.
Esma Özgür / Zazakî News