Kovara “Kürt Tarihi” na hûmara xo de bi dosyayêka hîra ya Zazayan ser o vejîyaya.
Kovara “Kürt Tarihi” ya ke hîrê aşman ra rayêk vejîyena, hûmara xo ya 53ine vila kerda. Kovare zêdêr tarîxê Kurdan ser o bi kurdkî û tirkî weşanêko perîyodîk kena.
Edîtorê dosyaya “Zazalar” Ercan Çağlayan o û Çağlayanî doyayê ke hadre kerdî, înan de derheqê Zazayan de malumatanê hîrayan dano.
Nutox û cigêrayox M. Malmisanijî zî kovare rê 2 hebî dosyayê muhîmî erşawitî. M. Malmisanijî yew dosya de behsê nameyê “ Zaza” a bîne de zî bewrîyanê Raya Heqî û Êzîdîtî dano têver û analîzêko xorîn înan ser o kerdo.
Kovare de cigêrayox Mutlu Canî bi dosyayêka muhîme xebatêka hîra kerda. Mutlu Canî bi nameyê “Warê Xo De Kitabo Şumûldar Yo Tewr Verên: Zazalar: Tarih, Kültür ve Kimlik” dosyayêk hadre kerda û na xebate de xebatanê Ercan Çağlayanî yê serê Zazayan de dano daşinasnayîş.
Yewna xebate zî hetê cigêrayox Bîlal Zîlanî ra ameya kerdiş. Zîlanî xebata xo de nameyanê “Kird, Kirmanc, Kürt, Zaza, Dımili” ser o cigêrayîş kerdo û zanayîşanê muhîman dano.
Akademîsyen Nurettin Beltekin zî bi sernameyê “Annemin Bilgisinde Zazalar” kovare de ca girewto.
Akdemîsyen Vahap Coşkunî zî xebata Mehmed S. Kayayî ya derheqê Zazayan ser o nuşteyêk nuşto.
Nuştoxe û cigêrayoxe Pınar Yıldız zî bi sernameyê “Karacadağ’ın Eteklerinde bir Dımılî Aşireti: Meheliler” kesê ke zemanêk hetê Çewlîgî ra ameyê Dîyarbekir û mintiqaya Qerejdaxî de ca bîyê ser o cigêrayîşêk kerd.
Roşan Lezginî zî kovare de yew nuşte nuşto.
TEDEYÎ
ZAZA ADI HAKKINDA / Roşan LEZGÎN
ZAZALARIN KENDİLERİNİ ADLANDIRMASI / Bilal ZİLAN
OSMANLI COĞRAFYA KİTAPLARINDA ZAZALAR / ERCAN ÇAĞLAYAN
KARACADAĞ ETEKLERİNDE BİR DIMILÎ [ZAZA] AŞİRETİ: MEHELİLER / Pınar YILDIZ
TEKRAR ZAZA ADI ÜZERİNE / M. MALMÎSANIJ
ANNEMİN BİLGİSİNDE ZAZALAR / Nurettin BELTEKİN
48 WARÊ XO DE KITABO ŞUMÛLDAR YO TEWR VERÊN: ZAZALAR: TARİH, KÜLTÜR VE KİMLİK / Mutlu CAN
54 HERDÊ DEWRÊŞÎ: DÊRSIM’IN NAM-I DİĞERİ VE YEZİDİLİK / M. MALMÎSANIJ
60 ZAZA KÜRTLER / VAHAP COŞKUN