Lajê Apê Mûsa, Anter Anter ewro serê sibayî dinyaya xo bedilna.
Lajê rojnameger û nuştoxo kurd Mûsa Anter (Apê Mûsa), Anter Anter ewro serê sibayî şi heqîya xo ser. Anter Anter, keyeyê xo yê dewa Sitîlîlê ya qezaya Nisêbîn a Mêrdînî de serê sibayî dinyaya xo bedilna.
Bado ke pêhesîya wefat kerdo, ekîbê weşîye şawîyayî dewe. Tesbît bî ke Anter Anterî dinyaya xo bedilnayo. Cenazeyê Anter Anterî seba otopsî şawîya Nêweşxaneyê Perwerde û Cigêrayîşî yê Mêrdînî.
ROJA KIŞTIŞÊ PÎYÊ XO DE MERD
Pîyê Anter Anterî, Mûsa Anter zî 32 serrî verê cû ewro amebi kiştene.
Apê Mûsa, ewro Dîyarbekir de cayo ke hetê JÎTEMî ra amebi kiştene de ame vîrardene. Ame plankerdiş ke saetanê şanî de zî mezelê ey yê dewa Sitîlîlê de bêro vîrardene.
