Rojnamevane Medîne Mamedoglû seba parekerdeyanê xo yê derheqê adirê ke qezayê Şemrex û Xana Axpar de veciyabî, şiye îfade da.
Rojnamevane Medîne Mamedoglû, seba viraştişê xeberanê derheqê adiranê ke 20ê hezîrane de qezayê Çınarî yê Amedî û qezayê Şemraxî yê Mêrdînî de veciyabî û medyaya dîjîtale de parekerdişî kerdbî, venga aye dîya ke wa bêra îfade bida.
Ame zanayîş ke tehqîqato ke seba parekerdeyanê Mamedoglû dest pêkerdo, bi îxbar dest pêkerdo.
Mamedoglû ke avukatê xo Resûl Temûrî dir pîya şîye Mudiriyeta Polîsan a Amedî û îfade da, va ke parekerdeyê ke aye kerdê suc nîyê û çarçewaya xebatanê aye yê rojnamegeriye de yê.
