ZAZAKÎ NEWS - Muracatanê Rojê Şanoyî yê Amedî yê 10. ke do Şaredarîya Amedî ya Şaristanê Girdî organîze biko, dest pêkerd.
Serekîya Daîreya Karanê Kultur û Sosyalan potansîyelê huner û kulturî yê şaristanî eşkera kena û dewam kena ke şarî şano, muzîk û sînema reyde bîyaro têhet. Rojê Şanoyî yê Amedî yê 10. ke hazirîyê înan yenê kerdene, hetê Şanoyê Şaristanî yê Şaredarîya Amedî ya Şaristanê Girdî (DBŞT) ra mabênê 25ê Nîsane-4ê Gulane de yenê organîzekerdiş.
Grûbê ke wazenê beşdarê Rojê Şanoyî bibê, eşkenê hetanî 31ê Adare Dişeme adresa e-mailî [email protected] û telefon numre 0412 502 90 18 ra muracatanê xo bikerê.
Seba ke grûbanê ke muracat kerd, bêrê erjnayîş, ganî "Malumatê komunîte, vîdyoyê kayanê ke do sahnelê, malzemeyê dîyayîşkî û agahîyê teknîkî" hetanî 31ê Adare Dişeme adresa [email protected] rê bêrê şawitene.
Çime: Bultenê Şaredarîya Amedî
