Komîteya Rayberîye ya PKKyî vengdayîşê Ocalanî ser va, "Ma sey PKK girêdayîyê vengdayîşî Ocalanî yê û ma ilan kenê ke ma do hetê xo ra Hhewcedarîyanê vengdayîşî bîyarê ca. Ma ewro ra tepîya agdirbes îlan kenê."
Serekê PKKyî Abdullah Ocalanî waştbî ke PKK xo fesix bikero û çekan rono.
Komîteya Rayberîye ya PKKyî ser vengdayîşê Ocalanî beyanatêk vila kerd û wina va:
"Beyanatê Rêber Abdullah Ocalanî yê 27ê Sibate yê bi sernameyê 'Vengdayîşê Aştî û Komelê Demokratîkî', rayîrê pêroyê hêzanê azadî û demokrasî roşn keno û sey Manîfesto yo.
Bêguman kerdişê vengdayîşêko winayên zaf muhîm bî; Nika gere ma nê vengdayîşî bîyare ca ke wa serkewte bo.
Ma sey PKKyî bi hawayêko raşteraşt beşdarê vengdayîşî bene û îlan kenê ke ma do goreyê hewcedarîyanê vengdayîşî hereket bikerê û înan bîyarê ca.
Labelê seba serkewtişî zî ganî şert û mercê sîyasetê demokratîkî û zemînê huqûqî zî bêrê temînkerdiş.
Na çarçewa de, seba ke vengdayîşê Rêber Apo yê Aştî û Komelê Demokratîkî bîyaro ca, ma ewro ra tepîya adirbes îlan kenê.
Eke vera ma êrişî mebê, do çi hêzê ma çalakîyanê çekdarîyan nêkê. Meselaya sey ronayîşê çekan zî tena bi rayberîya pratîke ya Rêber Apo mumkin o.
Ma amade yê ke goreyê waştişê Rêber Apoyî kongraya partî organîze bikerê. Labelê seba ney ganî şert û mercê munasibî bêrê temînkerdiş û seba serkewtişê kongre zî ganî Rêber Apo bi xo kongre rê rayberî bikero.