Gelo sebebê şerê mabênê Îsraîl û Filîstînî çi yo?
Hamas kamî ra paştî gêno û meqsetê ey çi yo?
Îran çi ra nêeşkeno Îsraîl dir sere vejîyo?
Tarzê şerkerdişê Îsraîlî çi yo? Îsraîl wazeno se bikero?
Rojhilatê mîyanîn de no şer heta çi wext dewam biko û aktorê ey kam ê?
Amerîka û Ewropa çi cayê nê şerî de yê?
Tirkîya do se bikero û ti sîyasetê Tirkîya senî vînenê?
Eke şerêko pîl vejîyo feyde û zirarê ci Kurdan rê çi bo.

Ma nê persî nuştox û cigêrayox Kanî Xulam o ke nika Amerîka de cuyeno û Rojhilatê Mîyanîn û Kurdan ser o cigêrayîşan keno rê persî kerdî. 

Kanî Xulam derheqê şerê mabênê Îsraîl û Fîlîstînî de vano ke;
 
Sebebê şerê mabênê Îsraîl û Fîlîstînî cografyaya yan zî erd o. Uca de nêzdîyê 14 mîlyonî însanî est. 7 mîlyonî Yahudî yê hewt mîlyonîzî  Ereb ê. Se ra hewtay û heşt erdê ucayî destê Yahudîyan de yo. Se ra hewtay  û vîst destê Ereban de yo. Tarîxê nê şerî 1948 ra dest pêkeno. O wext Yewîya Miletan va, ma erd pare bike. Labelê Erdeban qebûl nêkerd.  Şer vejîya û Îsraîlî qezenc kerd. Serra 1967 de reyna şer virazîya û Îsraîlî reyna qezenc kerd. 1973 de zî îÎsraîlî reyna qezenc kerd. Semedo ke Îsraîlî Misir û dewletanê ereban dir aştîye kerd û waşt înan dir aştî bibo no weşê Hamasî nêşi û Hamasî û Îranî şer da dest pêkerdiş. No herb semedê erdî yo û şerê parekerdişî erdî yo. Xora eke Hamas qezenc biko do pêroyî Îsraîlî qir biko. Mi gore miletêk nêşeşkeno miletêk ra vajo, ez do to çîn bikî.


Îran nêeşkeno îsraîlî çîne biko. Çimkî Amerîka û Ewropa paştîya Îsraîlî kenê. Rojhilatê Mîyanînî de 22 dewletê Ereban û 450 mîyon nufusê înan esto. Eke ti mîyanê Ereban ra petrol vejî, nê gorê finlandiya îxrac nêkenî. Ekonomîya înan baş nîya fabrîkayê înan çîn ê. Îsraîl o het ra aver şîyo û yeman o.  Qey joyî îran nêşkeno îsrail dir şer biko. Ayra wazeno wa hîzbullah biko, hamas biko û surîye biko. Îran wazeno Rojhilatê Mîyanînî de împaratorîyêk awan biko. Coka destê ey zaf dewletan de esto. Îsraîl zî wazeno erdanê xo hîra biko. Derdê ey îşgalkerdişê welatanê bînan nîyo. Mi gore no şer do hema derg bo.

Dewamê nê roportajî şima eşkenê Podcast ser a goşdarî bi