ZAZAKÎ NEWS - Serekê Herêma Kurdistanî Mesûd Barzanî Pîrmam de bi germî şi vera bokserê şampîyonê Kurdî Agit Kabayel û o pîroz kerd.
Mesûd Barzanî vizêr Baregeha Barzanî ya Pîrmam de bokserê Kurdî û şampîyonê Konseya Boksî ya Dinya (WBC) Agit Kabayel reyde ame têhet.
Agit Kabayel paytextê Erebîstana Siûdî Riyad de reqîbê xo yê Çînî da waro û bi şampîyonê Konseya Boksî ya Dinya (WBC).
Baregeha Barzanî derheqê pêvînayîşî de beyanatêko nuştekî vila kerd.
Baregeha Barzanî da zanayene ke Serek Barzanî bi keyfweşî Agit Kabayel kerdo mêmam.
Serek Barzanî semedê Agit Kabayel paştgirîya xo îfade kerd û ey rê serkewtiş waşt.
Agit Kabayel zî keyfweşîya xo ya seba dîyayîşê Serek Barzanî îfade kerd û sipasîya paştgirîya Barzanî kerde.
Kabayel xelat û kemerê xo yê şampîyonîye zî sey rêzgirewtene pêşkêşê Serek Barzanî kerd.
Agit Kabayel verê çend rojan amebi Başûrê Kurdistanî û maça peyêne ya Kupaya Kendavî temaşe kerdibi. A maçe de tîma futbolî ya Dihokî vera tîma Qadsiyeya Kuweytî 2-1 serkewt û bi şampîyon.
Agit Kabayel 15ê Nîsane de zî Serekwezîrê Herêma Kurdistanî Mesrûr Barzanî ziyaret kerdbi.