Qetlîamê Garê Ankara ser ra 8 serrî vîyartî. Ewro 104 canî ke qetlîam de ameybî qetilkerdiş zaf bajaranê Tirkîya û Herême de ameyê vîrardene.
Rêxistina Terorîstî ya DAIŞî 10ê Teşrîna Verêne ya 2015î de Mîtîngê Aşitî û Demokrasî yê Hêzê Kede û Demokrasî rê hêriş kerdbî. Mîyanê mîtîngî de di heb bombayî hetê terorîstan ra ameyî teqnayîş û netîceyê bombardûmanî de 104 kesê sîvîlî ke xo rê ameybî mîtîng ameybî qetilkerdiş û seyan kesî zî birîndar bibî.
Ewro hem cayê qetlîamê Garê Anqara hem zî xeylê bajaranê bînan de semedê qûrbanîyanê teqayîşî protestoyî û merasîmê yadkerdişî ameyî kerdene.
Herême de zî cayanê sey Wan, Mersîn, Semsûr, Meletî, Amed û Entab de qetlîamê Garê Anqara ame şermezarkerdiş.
Protestoyan de ame waştiş ke wa kerdoxê nê qetlîamî bêrê aşkerekerdiş û înan ra hesab bêro perskerdiş.
Protestoyan de ame vatiş ke " Ma xo vîrî ra nêkerd, nêkenê zî! Ma kerdoxan, kiştoxan nas kenê"
215 de daiş