ZAZAKÎ NEWS - Rewşa weşîya Hetkarê Serekê Parlamentoyê Tirkîya û Endamê Heyeta Îmralî ya DEM Partî Sirri Sureyya Onderî hîna xirab bîya.
Doktorê Parlamenterê DEM Partî Sirri Sureyya Onderî derheqê rewşa ey ya peyêne de beyanat da.
Rewşa weşîya sîyasetmedarê namdarî Sirri Sureyya Onderî ke beşê miqat bîyayîşê taybetî yê nêweşxaneyî de tedawî beno, hîna xirab bîya.
Goreyê beyanatê doktoranê ey, rewşa ey ya norolojîk hêdî-hêdî hîna xirab bîya.
Doktoran îlan kerd ke nêweş resayo "nuqtaya peyêne ya vurîyayîşî" û refleksê ey kêm bîyê.
Doktoran îfade kerd ke rîskê merdişê ey zêde beno
Sirri Sureyya Onder 13 rojî yo ke tedawî beno.
Se bîbî?
Sirrî Sureyya Onder 15ê Nîsane de seba hîrabîyayîşê damarê aortî krîzê zerrî vîyarna.
emelîyatê Sirri Sureyya Onderî ser ra 13 rojî vîyartî.
Tedawîya Onderî Nêweşxaneyê Florence Nightingaleyî yê Îstanbulî de dewam kena.