ZAZAKÎ NEWS - Serekkomarê Tirkîya Recep Tayyîp Erdogan eşkera kerd ke hûmara koçberanê Tirkîya resaya 4 mîlyon û 33 hezar kesan.
Erdoganî îfade kerdke 9ê Kanûna Verêne ya 2024ine ra heta nika 200 hezar kesî peyser şîye Sûrîye, pêroyî de zî 931 hezar û 450 koçberî agêrayê.
Serekkomarê Tirkîya Recep Tayyîp Erdoganî qiseyê xo yê Merkezê Kulturî yê Ataturkî yê Îstanbulî de va “ seranserê welatî de pêroyî de 4 mîlyon û 33 hezar koçberî estê û demanê peyênan zaf kesî agêrayê Sûrîye.
Erdoganî îzah kerd ke 9ê Kanûna Verêne ya 2024ine ra nika hûmara kesanê ke Tirkîya ra agêrayê Sûrîye resaya 200 hezaran û pêroyî de zî 931 hezar û 450 koçberî agêrayê.
Erdoganî wina dewam kerd, "Welatê ma de muhalefet, bi taybetî zî tayê hetê yê nijadperestê ke vera însanîyetî yê îdîa kenê, hûmarêka wina ya penaberan qet nêbîyo û çin o.
Tirkîya de 2 mîlyon û 768 hezar kesî binê pawitişê demkî de, pêroyî 4 mîlyon û 33 hezar koçberî estê.
Ma têkoşîna vera koçê xeyrnîzamî û qaçaxçîyanê koçberan zî îhmal nêkenê.
Nê 2 serran de vernîya 270 hezar koçberanê ke wazenê bêrê Tirkîya, ame girêtiş.
Pa zaf zehmetîyan, astengan û sabotajan zî, Sûrîye hêdî-hêdî aver şina.
Wexto ke Sûrîye de aştîtî temem bibo, hûmara agêrayîşî do zêde bibo."
