Seba rojnameger Abdurrahman Gokî dewayêka newîye ameya akerdiş.
Vizêr dewaya Abdurrahman Gokî estbî û Gok vejîya mehkema vera. Dadgehî qerarê xo yê goşdarîkerdişê şahidê nimiteyî betal kerd.
Dewaya edîtorê Ajansa Mezopotamya, rojnameger Abdûrrahman Gok vizêr Dadgehê Cezaya Girane ya Amedî de amey vînayîş. Rojnameger Gok bi îdîaya “endamê rêxistine yo” û “propagandaya rêxistine kerdo” yeno sûcdarkerdiş.
Tehqîqatêko newe ameyo akerdiş
Dadgehî qerar da ke qedexeyê vejyayîşê teberê welatî dewam biko. Dadheqî hetê bînî ra dadgehî aşkere kerd ke Serdozgeriya Komare ya Amedî serra 2024î de derheqê Gokî de tehqîqatêko newe akerdo.
Dewa taloqê 30’ê çeleyê 2025î bîye.
