Serekê Şaredarîya Esenyurtî Prof. Dr. Ahmet Ozer hetê polîsan ra ameyo girewtiş.
Serekê CHPyî yê Îstanbulî Ozgur Çelîkî va, “Berê bînaya şaredarîyaEsenyurtî bi zorî ameyê akerdiş û polîsî kewtê mîyanê odaya meqamî.”
Goreyo ke ame zanayîş keyeyê Ahmet Ozerî de û şaredarî de gêrayîşê polîsan dewam keno.
Goreyo ke zanîya, dewlete derheqê Ahmet Ozerî de bi bahaneyê "teror" ra tehqîqat akerda û xebatê ke ey demê "prosesê aşitî" de kerdbî nika sey "sûc" hesibîyayê û dîyayê ey vera.
Bi rayanê Kurdan bibi serekê Beledîye
Ahmet Ozer demê weçînayîşê 31ê Adara 2024î de lîsteya CHP ra bibi namzed û sey serekê beledîye amebi weçînayîş.
Amhmet Ozer qezaya Esenyurtî de bi hetkarîya raydayoxanê Kurdan amebi weçînayîş û xebatanê xo yê hetanî nikayî de zaf rey wayîrê ziwanê Kurdkî vejîyabi.
Ahmet Ozer eslê xo şaristanê Wanî ra yo sosyolog o.