Çend rojîyo ke Alî Yıldız o ke emser Unîversîteya Teknîkî ya Rojhilatê Mîyanênî de bîyo yewin, qiseykerdişê ey ê mezunîyetî yeno qiseykerdiş.
Alî Yıldizî qiseykerdişê xo de vatbi ke, Zanist, no nîyo ke merdim polîsan verdo wendekaran ser.
Heto bîn ra Alî Yıldız û hevalê ey merasîmê mezunîyetî de zî pankartêko bi Kurdkî akerdbî. Yıldiz û hevalê ey a roje ra nata zî wayîrê pankartê xo yê Kurdkî vejîyenê û ziwanê Kurdkî de israr kenê.
Alî Yıldizî Bîanetî ra Tuğçe Yılmaze rê qisey kerd.
Alî Yıldizî qiseykerdişê xo de qalê halê zazakî zî kerd û wîna va:
"Derheqê pankartî de, ez sey yew Zazayî û yew ziwannasî, fikrê mi yo verên no yo ke gere ma pêroyê ziwananê Tirkîya rê wayîr vejîyê. Ziwanê ma mîrasê kulturî yê nê erdî yo tewr muhîm o û eke yew programê pawitışî nêbo, ê mirenê. Tirkiya de hîrê ziwanî xora rewna ra merdê. Ziwanê mi yê maye Zazakî zî mîyanê ziwananê ke tehlike de yê de yo ra yew o. Eke ma yew programê pawitişê ziwanî nêvirazê, hêdî hêdî ziwanê mi yê maye û ziwanê bînî zî mirenê. Pankart zî esil na rewşe rê bi hawayêko henekin bala şarî anceno û yew karberê Xî ra yeno. Yew kanalê xeberan seba Kurdkî 'zİwano nêzanaye' nuştibi, no pankart zi cewabê ey o. Ma zî no tweet xeylê weş dî çunke problemanê ziwanî ser o bi hawayêko henekin bale anceno."
