Kişyayîşê roşinvîr û rojnamegerê Kurd Mûsa Anter “Apê Mûsa” ser ra 31 serrî vîyartî. Apê Mûsa ewro bajarê Diyarbekirî de hetê rojnamger û siyasetmedar û nuştoxan ra ame vîrardiş.
Demê vîrardişî de lajê ey Dîcle Anter qiseykerdişêk kerd û va, kişyayîşê Apê Mûsa, kişyayîşê roşinvîrî bi. No kişyayîşê yewêk nîyo, no komkiştişêk o.
Dîcel Anterî va ke, her çiqas 31 serrî verî qelema babîyê ey ameya şiknayîş zî, ewro gedeyê Kurdan qelema ey erd de nêverdayê û rayîrê ey ra şinê.
Parlamenterê Partiya Çepe ya Keske Mehmet Kamaçî da zanayîş ke, kiştoxê Kurdan muhakeme nêbenê û ceza nêgênê û her çiqa serê kişyayîşê Apê Mûsayî ra 31 serrî vîyartê zî kiştoxê ey hîna zî nêameyê eşkerekerdiş.
