Şinasîyanê Musyanî ra Hecî Selahattîn Elaldı çend aşmî bi ke nêweşxane de bi û tedawî dîyêne.
Babîyê wayîrê Pastaxaneyanê Hacıbaba û datê Serekê Amedsporî Selahattin Elaldı şewa bîne wefat kerd.
Serekê Amedsporî Azîz Elaldı aşkere kerd ke datê ey Selahattin Elaldı şîyo heqîya xo ser.
Azîz Elaldı
Elaldıyî va, “Datê ma Hecî Selahattin Elaldı şîyo heqîya xo ser. Cayê tazîyaya ma Dîyarbekir de "Keyeyê Tazîya yê Musyanijan" de yo."
Hecî Selahattin Elaldı hetêk ra zî babîyê wayîrê Paxtaxaneyê Hacıbaba Yılmaz Elaldı yo. Nika 15 subeyê Pastaxaneyê Hacıbaba Dîyarbekir de estê.
Yılmaz Elaldı
Keyeyê Elaldıyan eslê xo dewa Çolîgî Musyan (Yamaç) ra yê û Dîyarbekir de yê. Hetê şîranî, înşaat û zaf sektoran de keyeyêko serkewte yo.
Amedsporî ra mesaja tazîye
Amedsporî zî semedê serweşîye beyanatêk da û va “ Datê serekê kuluba ma Selahattin Elaldı wefat kerdo. Ma pê zehf xemgîn bîyê. Ma homayî ra semedê ey rehmet wazenê û keyeyê Elaldı ra serweşîye û sebir wazenê. ”
Enwer Yılmaz
