Sirri Sureyya Onderî krîzê qelbî vîyarna
Parlamenterê DEM Partî û endamê Heyetê Îmraliyî Sirri Sureyya Onderî krîzê qelbî vîyarnayo. Tedawîya Onderî Îstanbulî de dewam kena.
Goreyo ke ame musayîş, Parlamenterê DEM Partî Sirri Sureyya Onder krîzê qelbî vîyarna. Sirrî Sureyya Onder ke krizê qelbî vîyarna, Îstanbulî de tedawîya ey dewam kena.
Eşkerayîya DEM Partî:
“Endamê Heyetê Îmraliyî yê DEM Partî Sirri Sureyya Onder seba nêweşîya qelbî ya giran ke na şewe vîyarnaya, ey berdo nêweşxane. Hetê doktoran ra mudaxeleyo hewce ameyo kerdene. Tedawîya Onderî Îstanbulî de dewam kena û rewşa weşîya ci bi hesasîyet yena taqîbkerdene. Agahdarîyê hewceyî do dewam bikerê.”
Rewşa peyêne
Wekîlê DEM Partî yê Îstanbulî Sirri Sureyya Ondero ke heyetê Îmraliyî de ca geno şewe bi sebebê nêweşîya qelbî wedarîya Nêweşxaneyê Florence Nightingale yo ke qezaya Şişli ya Îstanbulî de yo.
Verfeka DEM Partîye Ayşegul Dogane no siba verê nêweşxanî de derheqê rewşa Sirrî Sureyya Onderî de eşkerayîye dê. Ayşegul Dogane vat: Hîna emelîyat dewam keno. Se ke dixtorî vanê emelîyetê de girano. Eke emelîyat ra vejîya na defa zî gênê bînê baximê giranî.
Ayşegul Dogane vat: Dixtorê Sirri Sureyya Onderî eke zanitenê de newîye bidê ma ma zî şima de pare kenîme.”
Şewe zî DEM Partî dabî pêhesaneyne ke seba ke damara Aortî ya Sirri Sureyya Onderî de dirnayîş est o, mudaxaleyo cerahî dewam keno û vat rewşa Onderî giranîya xo pawena.